粵語童謠
粵語童謠對廣東人來說意味著歡樂與懷舊,大家還記得多少首?以下是學習啦小編為大家整理的粵語童謠，希望對大家有幫助
粵語童謠精選
【月光光照地堂】
月光光，照地堂，
年卅晚，摘檳榔，
檳榔香，摘子姜，
子姜辣，買菩達，
菩達苦，買豬肚，
豬肚肥，買牛皮，
牛皮薄，買菱角，
菱角尖，買馬鞭，
馬鞭長，起屋梁，
屋梁高，買張刀，
刀切菜，買籮蓋，
籮蓋圓，買只船，
船浸底，
浸親兩個番鬼仔!
一個浮頭(一個摸慈姑)，
一個沉底(一個摸馬蹄)。
【月光光照地堂】
月光光，照地堂，
蝦仔你乖乖瞓落床，
聽朝阿媽要趕插秧咯，
阿爺睇牛佢上山岡。
蝦仔你快高長大，
幫手阿爺去睇牛羊。
月光光，照地堂，
蝦仔你乖乖瞓落床，
聽朝阿爸要捕魚蝦 !
阿嫲織網要織到天光。
蝦仔你快高長大，
劃艇撒網就更在行。
月光光，照地堂，
年卅晚，摘檳榔，
五谷豐登堆滿倉 ，
老老嫩嫩喜洋洋啊，
蝦仔你快啲瞇埋眼，
一覺瞓到大天光啊
粵語的經典童謠
【氹氹轉，菊花園】
氹氹轉，菊花園，
炒米餅，糯米圓。
阿媽帶我睇龍船。
我唔睇，睇雞仔。
雞仔大，捉去賣。
賣得幾多錢?
賣得三百六十五個仙。
【排排坐，食粉果】
排排坐，食粉果，
豬拉柴，狗燒火，
貓兒擔凳姑婆坐，
坐爛個屎窟唔好賴我，
賴翻隔籬個二叔婆。
【大笨象，揸支槍】
大笨象，
揸支槍(臭松香)，
去打仗(揸支竹仔去打仗)。
打完仗，
返嚟食碗辣椒醬，
隔籬屋企燒炮仗，
問你響唔響，
唔響升你兩巴掌。
【又喊又笑】
又喊又笑，
烏蠅打醮，
蠄蟧瀨尿，
老鼠行橋，
行到西門口，
畀人打啰柚。
【落雨溦溦】
落雨溦溦，
水浸田基。
田基有條蛇，
嚇親大老爺。
大老爺揸支槍，
嚇親個纏腳娘。
經典的粵語兒歌
【賣羊賣咩】
賣羊賣咩，
賣到老鼠擔遮。
狗仔忙住去拉蛇，
蛇擺尾，似風車，
風車氹氹轉，
番鬼扒龍船。
扒得快，好世界，
扒得摩，無鼻哥。
【肥佬肥揗揗】
肥佬肥揗揗，
買舊豬肉去拜神，
行到半路屎窟痕，
返到屋企瓜老襯。
【拍大髀，唱山歌】
拍大髀，唱山歌。
人人都欺我冇老婆，
嘀起個心肝娶幾個。
有錢娶個嬌嬌女，
無錢娶個痘皮婆。
痘皮婆，
食飯食得多，
屙屎屙幾籮，
屙尿沖大海啰，
屙屁打銅鑼。
【蘿卜頭】
蘿卜頭，點豉油，
點得多，咸過頭，
點得少，淡茂茂。
【河邊有只羊】
河邊有只羊，
羊邊有只象，
象邊有只馬騮仔，
好似你咁樣。
【豬婆婆】
豬婆婆，
賣菠蘿，
賣畀地主做老婆。
地主唔要佢，
一腳將佢踢落河。
執翻上嚟暈酡酡。
猜你喜歡：
1.超經典的粵語童謠
3.粵語童謠集錦
4.愛國的童謠
5.方言版童謠大全
粵語童謠
